Усть-Ордын тойрогой 85 жэлэй ойн баяр
Буряад Уласай Арадай Хуралай Түрүүлэгшэ Владимир Павлов Усть-Ордын тойрогой байгуулагдаһаар, 85 жэлэй ойн баярта зорюулагдаһан хэмжээ ябуулгада хабаадаба.
Буряад Уласай Арадай Хуралай Түрүүлэгшэ Владимир Павлов Усть-Ордын тойрогой байгуулагдаһаар, 85 жэлэй ойн баярта зорюулагдаһан хэмжээ ябуулгада хабаадаба. Хоца Намсараевай нэрэмжэтэ Буряад драмын театр соо эмхидхэгдэһэн баяр ёһололой хэмжээ ябуулга ноябриин 18-да үнгэрһэн байна.
-Буряад Уласай Арадай Хуралай ба өөрынгөө зүгһөө Усть-Ордын тойрогой байгуулагдаһаар, 85 жэлэй ойн баяраар үнэн зүрхэнһөө амаршалнаб. Эдэ жэлнүүд соо Усть-Ордын тойрогой экономикын, элүүр энхые хамгаалгын, эрдэм болбосоролой, тамирай һалбаринууд эрхим дүнгүүдые харуулна. Буряад Уласта хүдэлжэ ябаһан тойрогһоо гараһан зон һайнаар хүдэлжэ, манай уласай хүгжэлтын талаар ехэ ажал ябуулна, - гээд Владимир Павлов амаршалгын үгэнүүд соогоо хэлэһэн байна.
1937 оной сентябриин 26-да Эрхүү можын бүридэлдэ Усть-Ордын Буряад-Монголой Үндэһэтэнэй тойрог ороһон түүхэтэй. 1958 ондо Усть-Ордын Буряадай автономито тойрог гээд нэрэнь хубилгагдаһан байна. Удаань 2008 оной январиин 1-һээ Эрхүү можын Усть - Ордын Буряадай тойрог гээд нэрлэгдэдэг болоо.
- Усть-Ордын тойрог хадаа, амжалтатай хүгжэжэ ябана. Ниигэмэй-экономикын талаар һайн дүнгүүдые харуулна. Эдэбхи ехэтэй, ажалша бэрхэ зоной оролдолгоор, тойрог эрхим дүнгүүдые туйлана. Эндэһээ мэдээжэ олон зон гараһан түүхэтэй, - гэжэ Буряад Уласай Арадай Хуралай Түрүүлэгшэ Владимир Павлов тэмдэглээ.
Эгээл гол баялигынь гэхэдэ, нютагай арад зон болоно. Бэлиг ехэтэй, талаан түгэлдэр арад зоноороо суутай нютагта мүнөө үедэ хүгжэлтын талаар һайн хубилалтанууд үзэгдэнэ.
-85 жэлэй туршада аргагүй ехэ ажал хэгдэһээр. Экономикын, соёлой, болбосоролой, элүүр энхын һалбарида горитой хубитаяа оруулһан ветерануудта һайниие хүргэнэб. Хүдөө ажахыда олон жэлэй туршада үнэн сэхээр, амжалтатай хүдэлжэ ябаһан зондо мүн лэ баяраа мэдүүлнэб.
«Усть-Ордын тойрогто зорюулагдана…» гэһэн үзэсхэлэн энэ үдэр эмхидхэгдэһэн байна. Соёлой талаар суг хамта хүдэлхэ тухай хэлсээн энэ үдэр баталагдаа. Гүрэнэй дуу хатарай «Степные напевы» гэһэн ансамблиин концерт нааданаар тойрогой ойн баярта зорюулагдаһан хэмжээ ябуулга түгэсэһэн байна.
Последние новости
На заседании Избирательной комиссии Республики Бурятия 4 апреля 2025 года:
утверждены результаты учета объема эфирного времени, затраченного на освещение деятельности политических партий, представленных в Народном Хурале Республики Бурятия,
ФАС предлагает установить нормативы продажи и покупки рыбы на бирже
Служба выявила значительное влияние посредников на конечную стоимость рыбной продукции Напомним, ранее ведомство проводило анализ ценовой структуры наиболее облавливаемых видов рыбы – минтай, треска, пикша, сельдь, горбуша.
Мэра Иркутска включили в состав Госсовета РФ
Фото:пресс-служба администрации Иркутска Указ подписал Владимир Путин Мэр Иркутска Руслан Болотов включён в состав Государственного Совета РФ.
Мэр Игорь Шутенков поручил проверить качество дорог
Фото:администрация Улан-Удэ «Не пойдёт так, что сначала мы проведём обследование, а потом начнём предъявлять претензии», - подчеркнул он Мэр Улан-Удэ Игорь Шутенков поручил проверить качество дорог.